Kjøbenhavns Diplomatarium, Første Bind
Samling Af Dokumenter, Breve Og Andre Kilder Til Oplysning Om Kjøbenhavns Ældre Forhold Før 1728
Forfatter: O. Nielsen
År: 1872
Forlag: I Kommission hos G. E. C. Gad
Sted: Kjøbenhavn
Sider: 797
UDK: 815
Søgning i bogen
Den bedste måde at søge i bogen er ved at downloade PDF'en og søge i den.
Derved får du fremhævet ordene visuelt direkte på billedet af siden.
Digitaliseret bog
Bogens tekst er maskinlæst, så der kan være en del fejl og mangler.
120
de brodere jn der stadt js vnd isset dat he des nicht en dot, so schal
he syn halue beer schot vt geuen.
Item dar na, wen se gedrungken hebben, so scholen se begaen
alle de genne, de dar vte der selschopp vorstoruen syn vnd alle
cristene selen myt dren missen, dar schal eyn iszlich broder to
iszlvker missen offeren syn egen gelt by twen margk wasses, wo he
in der stadt js.
Item dar na schall men steuen holden, dar schal eyn iszlick
broder by wesen by twen marck wasses.
Item dar nah to pinxsten, wen men steuen holt, so schal
men olderlüde kesen van den kopmanne, enen van der Wyszmer,
enen van dem Szunde, eynen tann Stettyn.
Item nemant schal dobelen in der kümpanye by iiij marck wasses.
Item nen broder schal sick laten dregen in de kümpanye spet
ofte swert by iiij marck wasses.
Item so schal nenes broders knecht gan in de kümpanye, he
en hebbe sunderlick werff to synen heren, by twe margk wasses.
Item we eynen vpstott niaket in der kümpanige, wen se to-
samende drincken, de schall der broderschopp geuen j lyspundt wasses.
Item so schal neyn broder eynen gast bringen in de kiimpanie,
he en hebbe orloff van den olderlüden, by twen marck wasses.
Item we ene bedderue vrouwe biddet in de kümpanige eynen
gantzen dach, de schal gelden vor er iij wytte pennynge.
Item we biddet eyne jungkfruwen, de schal vor er gelden ij
witte eynen gantzenn dach.
Item so wenne de olderlude seggen der kumpanyge, dat se
gan scholen, so schal de selschopp meinlyken gan vnd de olderlüde
se scholen nemen de slotene to deme kelre.
Item so welk broder vth vnser kumpanyge sick vor ändert mit
eynen vrouwen edder mit eynen jungfrouwen, de schall geuen der
selschopp ene tonne dudessches beers, des glyken de gelerden, wan
se prister werden.
Item isset dat eyn broder steruet hijr to Koppenhagen, so
scholen de olderlüde vte der broderschopp kesen viij, de ene bewaken
scholen, by twee marck wasses.
Item so scholen de olderlude kesen viij brodere vthe vnser
broderschopp, de ene dregen to der kerken by twee marck wasses.
Item eme na to volgende to der kerken by enen ß, sunder
genade den de knecht to secht.