Kjøbenhavns Diplomatarium, Første Bind
Samling Af Dokumenter, Breve Og Andre Kilder Til Oplysning Om Kjøbenhavns Ældre Forhold Før 1728

310 holen, aber biss nacher haben szy es nicht wagen deruen, vnd allzeit jre kuge alle jn jre stadt gtryben. Item szy halten auch offt schermutzel, aber dy vann Kopen- hagen haben jne allezeit abbrochen, vnd itzt newlich ein heuptman vann Rostock selb elfft gfangen. Item die jn Kopenhagen haben offtmals denen jm lager zu- entpotten, szy szulden jren reszigen zeugk van jn zyhen lasszen adder szo starck seyn am reyszigen zeuge, alse szy jn der stadt seyn. Szy wollden sich mith jnen wens ehn glipthe szlagen, aber bis nacher ist nichts draws wurden, vnnd sich auch die jm lager die stadt zw stormen nicht haben vnderstehen doruen. Item es haben auch die vann Kopenhagen vnd vann Elbogen glegen jn Schone alle tage botschafft zw sammen, vnnd allezeit viij jachte jn der sehe, damith szy den steten alle tage schaden zufugen vnd jre vytallie nhemen1). Item die Holstein jm lager bis daher sollen nicht stercker dan xvc zw fws vnnd funffzehen hundert vngferlich seyn zw rossze. (tem szy haben auch jm lager szo mechtigk will lewsze vnnd flygen, das sulchs zuuor nyuerte gehordt ist, können sich jren kann erwerenn. Item es stelen sich auch die besten knecht aus dem lager van jme. Item die heuptleut jn Kopenhagen giesszen alle tage buxszen vnnd lasszen geldt muntzen, szy haben gar bis nacher keinen mangel nicht vnd jagen haszen vff eynem lendichen gheisszen Amach, leit gleich neben dem slos Kopnnbagen. Deutz bir vnd reinischen weyn haben szy allezeit genuck gehat, das sy denn steten genomen haben. Item die Holstein haben auch sunsth itzundt newlich fier eddelleut zw Feyende oliuerkommen, dan der hertzog van Holstein das jre genomen hat, die jm tegelich apbrechen, es seynt auch Holstein wisszen wege vnd stege genuck jm lande, haben einen grossen auhangk. Item der slosswagit isth gericht wurden zw Kopenhagen aus befehell ehr lleynrich Guden, heuptman. Slutningen, om at Hertug Fredrik borttager Kirkernes Ejendele, udelades her. Hele Brevet er meddelt i Ekdahl: Christiern Ils Arkiv, II, 428—34, hvorefter det her er aftrykt. 1 ) Den derpaa følgende Efterretning om Søren Norbys Bedrifter ude- lades her.